قبل سنتين سافرت أسبانيا وأكثر مكان حبيته فيها كان منطقه ميخاس.. زرت هالمنطقه مرتين وفي كل مره كنا نقعد يوم كامل تقريبا بعدها نرجع لفندقنا في منطقه ماربيا

بين ماربيا وميخاس خمسه وعشرين كيلومتر تقريبا

اشلون أوصفها لكم؟

ميخاس قريه صغيره كل البيوت الي فيها لونها أبيض تطل على جبال ومناظر فظيعه وتشتهر – عزكم الله – بالحمير

 أكثر شي عجبني فيها هدوءها وفيها بازار مميز جدا واااايد حبيته عباره عن أكشاك صغيره، كل كشك يبيع أشياء مختلفه من أكل وصابون وألعاب وغيره وايد

في هالسفره كنت توني باديه أمارس هوايه التصوير عشان جذي ما استغليت المناظر عدل أو ما عطيتها حقها بالتصوير

بس الحين صدقوني لو أسافر مره ثانيه أسبانيا وأزور ميخاس راح أصور على الأقل خمسميه صوره محترمه 🙂 🙂 🙂

أخليكم مع الصور وأنصحكم تزورون ميخاس اذا ناوين تسافرون أسبانيا

DSC_1097

Leave a Reply

Your email address will not be published.

Post Navigation