مجموعة من الشباب الكويتيين هدفهم يغرسون حب العمل الخيري في المجتمع عن طريق مشاريعهم الخيريه طول السنه

في هالشهر الفضيل عندهم مشروع افطار صائم.. قيمة الوجبة الوحده دينار اذا حابين تتبرعون  وتقدرون تتواصلون معاهم وتشاركونهم في توزيع الوجبات

يتيمعون العصر ويقسمون نفسهم مجموعات ويوزعون الوجبات على العمال والفقاره في منطقه جليب الشيوخ

الوجبه عباره عن مجبوس دياي ولبن وتمر وحبه فاكهه مثل ما قلت قيمتها دينار اذا حابين تشاركون معاهم

ماشالله عليهم فعلاً فخر للكويت واتمنى الكل يقتدي فيهم

 

Read More →

حديقة الشهيد في الكويت قبل وبعد
أخذ تصوير هذا المشروع ثلاث شهور من مصورين كويتيين
لصالح الديوان الأميري وكان فريق العمل

عبدالوهاب الاصبحي
ماجد سلطان الزعابي
جاسم مقيم
حسين الهاشمي

والمنسق
محمد النجدي

قبل يومين زرت معرض ألف اختراع واختراع في المركز العلمي

المعرض عالمي يزور أكثر من دولة لفتره معينه يعرض لنا اختراعات المسلمين ويعرفنا على أسامي المخترعين بطريققه مميزه جدا وتشد كل الأعمار خصوصا الأطفال الصغار

أول ما دخلنا المعرض عرضوا لنا فيلم مدته عشر دقايق تقريبا عن المخترعين المسلمين بعدها دخلنا خيمه كبيره مقرها جدام المركز العلمي

ظهروا لنا مجموعه من الشباب يمثلون شخصيات مخترعين مسلمين وابتدا كل واحد يقول قصته

الخيمه فيها أكثر من كورنر كل واحد أحلى من الثاني

فيه مجموعه من الشاشات تعرض فيديوت للمخترعين مع سماعات تسمعون فيها تاريخهم

وفيه خيمه اتينن لابن الهيثم يعرض فيها تجربته في التعرف على عمل العين و اشلون اكتشف اساسيات التصوير بالكاميرا

ومجسمات الاختراعات منتشره في كل مكان

وفيه شاشه تعرض عباس بن فرناس وتجربته مع الطيران

وزاويه يلبسون فيها الأطفال ملابس تاريخية ويصورون

ومكان مخصص للتلوين والأعمال اليدويه وآخر شي معرض صغير يبيع مجموعه من الكتب ومجسمات لاختراعات المسلمين

واااااايد حبيت المعرض وانصحكم تروحون له

اخليكم الحين مع الصور

1 2 3

Read More →