تخلطون أربع ملاعق روب مع أربع ملاعق كبيرة حليب بودر وملعقة كبيرة خميرة وملعقة متوسطة بيكنج باودر وشويه ملح مع ملعقتين كبار سكر ونص كوب زيت وكوب ماي دافي

نضيف للخليط السابق ثلاث أكواب ونص طحين ونعجن بعدها نترك العجين يتخمر ساعه

نشكل العجين على شكل كور محشيه كاكاو مارس ونحطها بالفرن ربع ساعة

بعدها نصب عليها خليط ربع كوب حليب نستله الكبير مع ربع علبه جبنه فيلادلفيا وربع علبه قيمر ونضيف كاكاو سائل

وبالعافيه


نخلط بالخلاط ظرفين دريم ويب وجيلاتين وظرف كريم كراميل وثلاث علب قيمر

نصف بالبايركس ساراكيك الكاكاو وفوقه الخلطه وفوقها بسكويت دايجستف مطحون فوقها طبقه كاكاو آرو مذوبينه بحمام مائي.. انا حطيت عشره حبات آرو

وآخر شي نصف المارشميلو وندخله الفرن بس من فوق ربع ساعه تقريبا

الي تحتاجونه ظرفين دريم ويب وعلبه قيمر وعلبه كريمه كي دي دي وعلبتين كريم كراميل و١٢ حبه برد سندويش كي دي دي

اول شي تصفون البرد بالبايركس وتخلطون بالخلاط كل المقادير وتصبونها فوقه بعدها تزينونه بكاكاو وتحطونه بالفريزر وبالعافيه

اسهل من جذي ما فيه

Read More →