تخلطون أربع ملاعق روب مع أربع ملاعق كبيرة حليب بودر وملعقة كبيرة خميرة وملعقة متوسطة بيكنج باودر وشويه ملح مع ملعقتين كبار سكر ونص كوب زيت وكوب ماي دافي

نضيف للخليط السابق ثلاث أكواب ونص طحين ونعجن بعدها نترك العجين يتخمر ساعه

نشكل العجين على شكل كور محشيه كاكاو مارس ونحطها بالفرن ربع ساعة

بعدها نصب عليها خليط ربع كوب حليب نستله الكبير مع ربع علبه جبنه فيلادلفيا وربع علبه قيمر ونضيف كاكاو سائل

وبالعافيه

 

أول طبقه كيك سارالي الكاكاو

ثاني طبقه دايجستف مكسر بعدها طبقة آرو مع جالاكسي ومارس وقيمر مذوبينهم مع بعض وآخر طبقة حليب كاكاو ونزين بكراميل ومالتيزر

وبالعافيه

مجموعة من الشباب الكويتيين هدفهم يغرسون حب العمل الخيري في المجتمع عن طريق مشاريعهم الخيريه طول السنه

في هالشهر الفضيل عندهم مشروع افطار صائم.. قيمة الوجبة الوحده دينار اذا حابين تتبرعون  وتقدرون تتواصلون معاهم وتشاركونهم في توزيع الوجبات

يتيمعون العصر ويقسمون نفسهم مجموعات ويوزعون الوجبات على العمال والفقاره في منطقه جليب الشيوخ

الوجبه عباره عن مجبوس دياي ولبن وتمر وحبه فاكهه مثل ما قلت قيمتها دينار اذا حابين تشاركون معاهم

ماشالله عليهم فعلاً فخر للكويت واتمنى الكل يقتدي فيهم

 

Read More →