تاخذون كيكه روبن هود البيضا وتسوونها نفس الطريقه المكتوبه على العلبه بعدها تضيفون على الخليط ملعقه زعفران صغيره وملعقتين هيل صغار وتخلطون الخليط بالخلاط

نحط الخليط بصينية الفرن وفوقه سمسم وندخله الفرن ونفتح عليه من فوق وتحت لما يستوي

 اذا برد نقطعه مستطيلات ونقلبه وندخله الفرن مره ثانيه ونفتح الفرن من فوق لما يصير اللون احمر ونرجع نطلعه ونقلبه وندخله الفرن مره ثانيه عشر دقايق تقريباً..

وبالعافيه

 
تخلطون أربع ملاعق روب مع أربع ملاعق كبيرة حليب بودر وملعقة كبيرة خميرة وملعقة متوسطة بيكنج باودر وشويه ملح مع ملعقتين كبار سكر ونص كوب زيت وكوب ماي دافي

نضيف للخليط السابق ثلاث أكواب ونص طحين ونعجن بعدها نترك العجين يتخمر ساعه

نشكل العجين على شكل كور محشيه كاكاو مارس ونحطها بالفرن ربع ساعة

بعدها نصب عليها خليط ربع كوب حليب نستله الكبير مع ربع علبه جبنه فيلادلفيا وربع علبه قيمر ونضيف كاكاو سائل

وبالعافيه