معرض رحلة مبخر

من ضمن فعاليات انطلاقة كويتي وافتخر

في برج الحمرا ابتداء من يوم الثلاثه  ١٤يناير حتى ١٨ يناير ٢٠١٤

زرتهم في الافتتاح.. كانت أغلب المباخر حلوه وكل مبخر له فكره مختلفه عن الثاني

-استمتعت بالتصوير وانصحكم تمرون تشوفون المباخر -اذا ما عندكم امتحانات أو عيالكم ما عندهم امتحانات

صورت وصورت وصورت صور وايد أتمنى تعجبكم

Read More →

 

 

1

طفلتان من بريطانيا افتحوا لهم شركه لبيع الحلوى والألعاب على النت بتشجيع من والدتهم

كل طفله مسئوله عن قسم خاص فيها.. يغلفون الحلوى والألعاب ويرجعون يبيعونها بسعر منخفض مره ثانيه

فكره حلوه يتعلم خلالها الطفل اشلون يكسب المال بالحلال ويتعلم قيمه المال وكيفيه استثماره بشكل صحيح

2

الحين حابه اعلمكم اشلون طبقت نفس الفكره على عيالنا؟

كل أسبوع نروح المخيم وهناك ماشالله يمعه ويهال صغار من كل الأعمار

شريت من ايكيا أكشاك مصنوعه من الكرتون تلقونهم في قسم الأطفال.. سعر الكشك الواحد ٣،٩٠٠

كل طفل يبيع في كشكه بضاعه غير عن الثاني.. معاذ يبيع فوندو مذوبه مع موز وفراوله وكيك وحاطه في اكواب فلين طبعا بمساعده واشراف امه

فطومه تبيع نفيش وشعر بنات.. جراح يبيع حلاو وكاكاو وصفارات وليتات صغار

وعبدالعزيز وسالم عندهم بطاط وشيبس وتشاشي

 باختصار سوينا سوق صغير بالمخيم وعيالنا الصغار كانوا البياعين والحلو بالموضوع ان فيه أمهات تبرعوا بأرباح عيالهم لأطفال سوريا.. حتى لو كان المبلغ قليل بس أكيد راح يساعد ناس ويعلم عيالنا قيمه مميزه

تجربه جدا جميله ما زلنا نكررها كل اسبوع في زوارتنا بالمخيم أنصحكم تطبقونها مع عيالكم

3 4

أول مره شفت فيها الصور حسبتها صور تحف فخمه ولما قريت المقال عرفت انها صور ماي ملون التقطها مصور أمريكي محترف عمره ٥٥ سنه، اسمه جاك لونج

الصور تم التقاطها بجزء من الثانيه وبدقه عاليه جدا مثل ما راح تشوفون الحين

1

20140114-091751.jpg

اشرايكم فيها؟ تقدرون تسوون مثلها بسهوله.. تابعوني بالصور وتعرفون اشلون

20140114-091920.jpg
راح تحتاجون بالون، غراء أبيض مع فرشاه ومفرش ورق بالإضافه إلى جلتر او لماعي .. كل هالأغراض متوفره بالمكتبه

20140114-092131.jpg
تحطون المفرش الورق على البالون وفوقه الغراء باستخدام الفرشاه

20140114-092228.jpg
بعدها تحطون الجلتر فوق الغراء وتظلون ماسكينه فتره لما تحسون ان الجلتر ثبت على الغراء وما راح يتلفكم

20140114-092348.jpg
تعلقون البالون نفس الصوره وتخلونه ليله كامله تقريبا عشان ينشف.. ولا تسألون انا علقته بشنو!! بعد ما ينشف تبطون البالون وبجذي تحصلون على قاعده للشمعه شغل ايدكم

أتمنى تعجبكم فكرتي.. تابعوني في الأيام اليايه وأوعدكم اني راح أعرض لكم أفكار وتطبيقات وايد حلوه في الأشغال اليدويه والديكور

المعنى من إعاده التدوير اني أحول المنتجات المستهلكه عديمه الفايده إلى منتجات تفيدني بحياتي اليوميه.. شي حلو لما نعلم أطفالنا على إعاده التدوير

نظرتهم للمنتج قبل وبعد التدوير وتفكيرهم اشلون نغيره للأحسن راح تنمي من قدراتهم الإبداعيه وطريقه تفكيرهم

جمعت لكم بعض الأفكار لإعاده التدوير اذا تحبون تطبقونها أو تنقلونها لأبناءكم

1 2 3 5 10