فكره الغرفه ان الشمس تدخلها من جميع الجهات.. يعني كل الطوف فيها درايش وساعات ما تكون الغرفه داخل البيت ممكن تكون بالحديقه وطوفها شفافه

 بالنسبه لبيئتنا بالكويت أغلب البيوت الحديثه ما فيها حوش كبير ومعظمها يكون نص الطابق الأرضي صالات استقبال.. انا أتخيلها بالسطح طبعا مع تكييف حيل قوي لأن الحر عندنا فظيع تكون الطوف كلها شفافه مع ستاير على شكل مسرح بس بنفس الوقت بسيطه بدون هدب وأحط في الغرفه من داخل ومن بره زرع أخضر وكرسي هزاز بالزاويه مع طاوله صغيره للقهوه والكتب وبعد شنو؟؟؟

طيور صغيره في أقفاص ملونه بألوان فاقعه وصوفا أو قعده على شكل زاويه تكون ألوانها فاقعه وعشوائيه.. كل كوشيه لون وكل مسند لون حتى الثرو أو اللحاف لون غير وممكن أخلي طوفه أو جزء منها حجر وأعلق عليه براويز واااايد وتكون هالطوفه ورا التلفزيون

أحس لو أصممها راح أبتعد عن الكلاسيك وأتخيلها ملجأ راحه ما يدخله ناس غرب وما فيه رسميات بالمره

تخيلت وايد 🙂 أخليكم مع الصور أحسن

sun_room1

sun_room2

Read More →