أمس حضرت مهرجان المباركيه في شارع الصراريف

راح يكون المهرجان على أربع فترات من تاريخ ٢ فبراير الى تاريخ ١٣ فبراير، في كل فتره مشاركين جدد

يبدأ المهرجان من الساعه خمس إلى الساعه عشر مساء

مع إن الجو كان واااااااايد بارد أمس بس استمتعت بجولتي في المهرجان وكان الإقبال قوي 

1 2 3

صورت عدد من المشاركين وخذيت كروتهم عشان أعرضها في البلوق يمكن يعجبكم شغلهم وتستفيدون منهم

Read More →

أمس حضرت افتتاح قرية كويتي وافتخر

القريه فاتحه أبوابها في أرض المعارض في مشرف من ثلاثين يناير إلى خمسه وعشرين فبرايرمن الساعه العاشره صباحا وحتى العاشره مساء

 فعلا شي يشرف ويرفع الراس.. مجهود وحماس واضح من شباب الكويت الله يعطيهم العافيه، مشاركين متميزين وبوثات متنوعه ومختلفه ما بين وزارات وشركات ومشاريع شبابيه ، أحلى شي في فكره المشروع انه جمع شباب الكويت تحت مظله وحده وزرع روح التعاون والعمل بينهم خصوصا المتطوعين

وايد استمتعت بحضوري الافتتاح ومتحمسه اني أزور القريه مره ثانيه وأشوف أنشطتهم وأصورها

للأسف ما كان عندي وقت أمر القريه الرمليه – موجوده مقابل قريه كويتي وافتخر – أوعدكم بزياره وموضوع خاص لها

هذا أكاونت مشروع كويتي وافتخر بالانستجرام

@p2bkuwaiti

1 Read More →

أمس حضرنا افتتاح مطعم بوب الوب في ديفون – أبو الحصانيه

المطعم ألماني وهذا أول فرع له خارج ألمانيا يستخدم تقنيه ذكيه في الطلب وتوصيل الأكل للطاوله

المطعم مميز وفكرته غريبه وحلوه.. شفنا المنيو وطلبنا الأكل عن طريق التابلت الموجود على كل طاوله

لازم تجربونه علشان تشوفون اشلون يوصل لكم الأكل 🙂

ما أقدر أقيم الأطباق لأن المنيو كان محدود في الإفتتاح بس أكيد راح يتغير ويزيدون عليه أطباق وايد ابتداء من اليوم

الي صج عجبني وكان لذيذ وكميته وايد حلوه وأنصح تجربونه النوتيلا تشيز كيك

بالنهايه أحب أشكر أصحاب المطعم على دعوتهم الكريمه واستقبالهم المميز وأتمنى لهم التوفيق

أكاونت المطعم بالإنستجرام

@popaloopkw

والحين أخليكم مع الصور

معرض رحلة مبخر

من ضمن فعاليات انطلاقة كويتي وافتخر

في برج الحمرا ابتداء من يوم الثلاثه  ١٤يناير حتى ١٨ يناير ٢٠١٤

زرتهم في الافتتاح.. كانت أغلب المباخر حلوه وكل مبخر له فكره مختلفه عن الثاني

-استمتعت بالتصوير وانصحكم تمرون تشوفون المباخر -اذا ما عندكم امتحانات أو عيالكم ما عندهم امتحانات

صورت وصورت وصورت صور وايد أتمنى تعجبكم

Read More →

مساء الخير

حابه أعرض عليكم صور زيارتنا لمخيم الفارسي للطائرات الورقيه يوم الجمعه.. استمتعنا انا وزوجي وبناتي الصغااار وايد

يعطيهم ألف عافيه على مجهودهم المميز.. تقدرون تتابعونهم على أكاونتهم بالانستجرام

alfarsikite

14