البنات عندي بالدوام مدمنات قهوه عربيه.. يسوونها عندنا بالمكتب بس باستعمال الغلايه وترا صج صج لذيذه

20140206-141611.jpg

قررت اليوم أصور طريقه القهوه العربيه بالغلايه وأكيد راح تنفع أهل الدوامات وايد خصوصا المدمنين عليها

أول شي تحتاجونه غلايه تخلونها خاصه بس حق القهوه العربيه ما تستعملونها حق الماي او أشياء ثانيه، تحطون في الغلايه لتر ماي

20140206-141411.jpg
بعدها حطوا في الغلايه قفشتين كبار قهوه عربيه وقفشه كبيره كوفي ميت

20140206-141748.jpg

20140206-141759.jpg

الحين ركزوا معاي لو سمحتوا..

Read More →

ريوقنا اليوم من زعتر وزيت.. كان وايد لذيذ وحبيت أشاركم الصور

20140205-113532.jpg

20140205-113550.jpg

20140205-113559.jpg
لازم تطلبون سمبوسك الجبن اللذيذه
الفطاير كانت كلها حلوه بس فطيره الدجاج خذت المركز الأول بجداره

20140205-113831.jpg

20140205-113839.jpg

20140205-113852.jpg

20140205-113912.jpg

سوته اختي بالزواره وكان وايد لذيذ
قلت لازم آخذ الطريقه وأحطها لكن بالبلوق

20140202-110153.jpg

المقادير:
٣ بيضات حجم كبير، كوبين طحين منخول، كوب سكر
١ صبع زبده، ٣/٤ كوب حليب سائل، ملعقه كبيره بكنج باودر مع رشه ملح، ملعقه كبيره فانيلا، ربع ملعقه صغيره بيكربونات الصوديوم، ربع كوب ماي ورد بالاضافه الى ملعقه صغيره هيل وشويه زعفران.

الطريقه:
نخلط بالخلاط بيض مع فانيلا وسكر لمده عشر دقائق ونضيف عليهم الحليب والزبده وماي الورد
ننخل الطحين مع بيكربونات الصوديوم والملح والبيكنج باودر
يصب الخليط فوق الطحين ويقلب باتجاه واحد باستعمال المضرب اليدوي ثم يصب في صينيه مدهونه بطحينيه ومرشوشه بسمسم
يخبز في فرن مسبق الفتح ربع ساعه ونخليه خمسه واربعين دقيقه في وسط الفرن على حراره ١٨٠
يترك خارج الفرن ربع ساعه ثم يقلب

وعليكم بألف عافيه

أمس حضرنا افتتاح مطعم بوب الوب في ديفون – أبو الحصانيه

المطعم ألماني وهذا أول فرع له خارج ألمانيا يستخدم تقنيه ذكيه في الطلب وتوصيل الأكل للطاوله

المطعم مميز وفكرته غريبه وحلوه.. شفنا المنيو وطلبنا الأكل عن طريق التابلت الموجود على كل طاوله

لازم تجربونه علشان تشوفون اشلون يوصل لكم الأكل 🙂

ما أقدر أقيم الأطباق لأن المنيو كان محدود في الإفتتاح بس أكيد راح يتغير ويزيدون عليه أطباق وايد ابتداء من اليوم

الي صج عجبني وكان لذيذ وكميته وايد حلوه وأنصح تجربونه النوتيلا تشيز كيك

بالنهايه أحب أشكر أصحاب المطعم على دعوتهم الكريمه واستقبالهم المميز وأتمنى لهم التوفيق

أكاونت المطعم بالإنستجرام

@popaloopkw

والحين أخليكم مع الصور