1

طفلتان من بريطانيا افتحوا لهم شركه لبيع الحلوى والألعاب على النت بتشجيع من والدتهم

كل طفله مسئوله عن قسم خاص فيها.. يغلفون الحلوى والألعاب ويرجعون يبيعونها بسعر منخفض مره ثانيه

فكره حلوه يتعلم خلالها الطفل اشلون يكسب المال بالحلال ويتعلم قيمه المال وكيفيه استثماره بشكل صحيح

2

الحين حابه اعلمكم اشلون طبقت نفس الفكره على عيالنا؟

كل أسبوع نروح المخيم وهناك ماشالله يمعه ويهال صغار من كل الأعمار

شريت من ايكيا أكشاك مصنوعه من الكرتون تلقونهم في قسم الأطفال.. سعر الكشك الواحد ٣،٩٠٠

كل طفل يبيع في كشكه بضاعه غير عن الثاني.. معاذ يبيع فوندو مذوبه مع موز وفراوله وكيك وحاطه في اكواب فلين طبعا بمساعده واشراف امه

فطومه تبيع نفيش وشعر بنات.. جراح يبيع حلاو وكاكاو وصفارات وليتات صغار

وعبدالعزيز وسالم عندهم بطاط وشيبس وتشاشي

 باختصار سوينا سوق صغير بالمخيم وعيالنا الصغار كانوا البياعين والحلو بالموضوع ان فيه أمهات تبرعوا بأرباح عيالهم لأطفال سوريا.. حتى لو كان المبلغ قليل بس أكيد راح يساعد ناس ويعلم عيالنا قيمه مميزه

تجربه جدا جميله ما زلنا نكررها كل اسبوع في زوارتنا بالمخيم أنصحكم تطبقونها مع عيالكم

3 4

المعنى من إعاده التدوير اني أحول المنتجات المستهلكه عديمه الفايده إلى منتجات تفيدني بحياتي اليوميه.. شي حلو لما نعلم أطفالنا على إعاده التدوير

نظرتهم للمنتج قبل وبعد التدوير وتفكيرهم اشلون نغيره للأحسن راح تنمي من قدراتهم الإبداعيه وطريقه تفكيرهم

جمعت لكم بعض الأفكار لإعاده التدوير اذا تحبون تطبقونها أو تنقلونها لأبناءكم

1 2 3 5 10

راح تحتاجون خام ومقص وتاج أبيض وشمعة ومسدس شمع او صمغ

20140108-195228.jpg

تقصصون الخام على شكل دوائر بأحجام مختلفه

20140108-195313.jpg

بعدها تقربون أطراف الدائره من الشمعه راح تصير يابسه ويغمج لونها.. لا تخلون الخام يحوش الشمعه عشان ما يحترق

20140108-195532.jpg

راح يصير شكل الدوائر جذي

20140108-195610.jpg

تحطون الدوائر على بعض وتثبتونهم بإبرة وخيط

20140108-195713.jpg

بعدها تثبتون الخام على التاج باستخدام مسدس الشمع او الصمغ.. وعليكم بألف عافيه

20140108-195900.jpg