سوته اختي بالزواره وكان وايد لذيذ
قلت لازم آخذ الطريقه وأحطها لكن بالبلوق

20140202-110153.jpg

المقادير:
٣ بيضات حجم كبير، كوبين طحين منخول، كوب سكر
١ صبع زبده، ٣/٤ كوب حليب سائل، ملعقه كبيره بكنج باودر مع رشه ملح، ملعقه كبيره فانيلا، ربع ملعقه صغيره بيكربونات الصوديوم، ربع كوب ماي ورد بالاضافه الى ملعقه صغيره هيل وشويه زعفران.

الطريقه:
نخلط بالخلاط بيض مع فانيلا وسكر لمده عشر دقائق ونضيف عليهم الحليب والزبده وماي الورد
ننخل الطحين مع بيكربونات الصوديوم والملح والبيكنج باودر
يصب الخليط فوق الطحين ويقلب باتجاه واحد باستعمال المضرب اليدوي ثم يصب في صينيه مدهونه بطحينيه ومرشوشه بسمسم
يخبز في فرن مسبق الفتح ربع ساعه ونخليه خمسه واربعين دقيقه في وسط الفرن على حراره ١٨٠
يترك خارج الفرن ربع ساعه ثم يقلب

وعليكم بألف عافيه

اليوم صورت لكم طبقين مع الدانبو كانوا نجوووم في زوارتنا قلت لازم احط لكم طريقه كل طبق فيهم

اول شي السلطه: معكرونه مع بروكلي مسلوق شوي
نحط على المعكرونه واهي حاره:
قفشتين زيت زيتون و قشر ليمون مبشور واورجانو مع سويه فلفل اسود وملح بعدها نخلطها مع ريحان وخس والصلصه عباره عن عصير ليمون وننثر آخر شي جبن بارميزان

اما بالنسبه للحلو:
نحط طبقه كيك سارالي كاكاو فوقها خليط من القيمر وكاكاو نوتيلا بعدها نحط طبقه كيك سارالي فانيلا ونرجع نحط نفس الخليط مره ثانيه بعدها نحط حبات من كاكاو مالتيزر ونرجع نكرر الطبقات ونزينه من فوق بكاكاو هيرشيز وفريرو روشيه وكاراميل