استكمالا للجزئين السابقين

ماربيا

و

ميخاس

اليوم راح اتكلم عن تفاصيل رحلتنا لوحده من اشهر المدن في اسبانيا و عاصمه مقاطعه كاتلونيا الي اهي برشلونه

1-السكن

احسن مكان للسكن في برشلونه اهو شارع الرامبلا بلا منازع

لأن شارع الرامبلا اهو اشهر شارع فيها و فيه فنادق وايد بإختلاف مستوياتها و قريبة من كل شي

مطاعم – سوق – اماكن سياحية و غيرها

اخترنا فندق

Royal Ramblas

الفندق 4 نجوم احلى ما فيه موقعه الاستراتيجي في بدايه شارع الرامبلا و قريب من ساحه كاتلونيا

الفندق جدا نظيف و ممتاز لكن عيبه الوحيد ان العمال الي يشيلون الاغراض مو متواجدين طول اليوم

و الوايرلس المجاني ضعيف داخل الغرف تضطر تقعد عند باب الغرفه عشان تلقط الشبكه

قبل لا نوصل الفندق صار فينا مقلب التاكسي اضطر يوقفنا نهايه ساحه كاتلونيا لان الشارع كله مسكر من الساحه لغايه نهايه الرامبلا جهه البحر

لأن عندهم كرنفال سنوي و اضطرينا نسحب جناطنا مسافه و نمشي بنص المشاركين بالكرنفال مع جناطنا

و الحمدلله وصلنا بالسلامه

احلى شي ان غرفتنا كانت على الشارع و نشوف الكرنفال واضح من غرفتنا

صورة مطابقة لغرفتنا

بعد ما حطينا اغراضنا و ريحنا شوي نزلنا نشوف الكرنفال بشارع الرامبلا عن قرب

و صور متنوعه من شارع الرامبلا

2-ساحة كتلونيا Placa de Catalunya

اشهر ساحة في برشلونه و مثل ما قلت بالبداية حواليها عدد كبير من الفنادق و المطاعم و الاسواق

و تعتبر الوجهه الرئيسيه للاحتفالات خصوصا بحاله فوز فريق برشلونه بأي بطولة

لما صار الليل من اليوع اول مطعم لقيناه اهو الهارد روك

و عندهم اقوى بيرجر ذقتها بحياتي

اخذنا جوله بالساحه و الشوارع الي حواليها و المكان حده شرح و يفتح النفس

افضل مكان عشان تاخذون صورة لساحه كتلونيا من فوق اهو المطعم بالدور الاخير في الكورت انجليس

3-سوق الخضره و الفواكه La Boqueria

على بساطه السوق لكنه يفتح النفس بتنوع الفواكه و الخضروات و المكسرات و الحلويات  و اللحوم

موقعه بنص شارع الرامبلا

4- الاكواريوم mare magnum

الاكواريوم اول شي راح تشوفونه لما توصلون نهايه الرامبلا جهه البحر

5-حديقة الحيوان Barcelona Zoo

6- ملعب الكامب نو Camp Nou

ملعب الكامب نو ملعب فريق برشلونة واحد من اكبر الملاعب في العالم

انشأ عام 1957 و يسع لأكثر من 98 الف مشجع

مدخل الملعب و الجسر الموصل للستور

بعدها المتحف الخاص بإنجازات و تاريخ النادي

والحين نبتدي جولتنا داخل الملعب و المدرجات

منطقه مقابلات اللاعبين

قاعة المؤتمرات الصحفية

غرفة التبديل

الممر المؤدي للملعب

هالجزء من المدرج الوحيد المفتوح لاستراحه الزوار

القسم الخاص بالصحفيين

هالمكان لسماع نشيد النادي

في الختام يمكن ما قدرت اغطي كل التفاصيل و بالذات بالنسبة للسوق و الاماكن السياحية الثانيه

فحبيت اهديكم هالملفين على برنامج وورد فيهم تفاصيل المجمعات و الاسواق و مواقعهم و ساعات العمل

من ناحيتي استفدت منه وايد و تحصولنهم على هالراوبط

ملف الأماكن السياحية

ملف المجمعات و الاسواق

One Thought on “رحلتنا الى برشلونة Barcelona

  1. boukhroufa nidhal on November 13, 2016 at 2:52 PM said:

    هل اكلتم لحم برغر حرام ؟؟؟

Leave a Reply

Your email address will not be published.

Post Navigation