marrojo

الغوص من الهوايات الجميلة و الممتعة

و شرم الشيخ فيها افضل المغاصات على مستوى العالم

الحلو فيها تحتوي على اكثر من موقع و كل موقع فيه اكثر من مغاص

 اول سفره كانت بدون تصوير و الثانيه شريت كفر للكاميرا للتصوير تحت الماي و كانت اول تجربة لي بالتصوير تحت الماي

مع ان بعض الاماكن غصنا فيها من قبل لكن مع التصوير كأنها اول مره

و بالسفره الاخيره كنا خمس اشخاص و معانا 4 كاميرات و استعنت بصور كاميرتين بهالتقرير

كاميرا كانون و الثانية قو برو و الصراحه فرق كبير بينهم

 راح يكون التقرير على اكثر من جزء و ان شاءالله راح تنزل بشكل يومي

1-راس ام السيد

rasummsid

كعاده الغواصين دايماً تكون اول غوصة بسيطة و خفيفة و تسمى ريفريش

منها نتعود على التنفس و العده و نتأكد من الاوزان

خصوصاً حق الي نفس حالتنا نغوص من سنه لي سنه

كانت الغوصه براس ام السيد و غصنا فيها غوصتين وحده بالنهار و الثانية ليلية

الغوصة الاولى خذت معانا 34 دقيقة و نزلنا فيها لعمق 20 متر تقريباً

و الثانية 45 دقيقة لعمق 16 متر

راح تلاحظون و هالشي معروف عند الغوصين ان غالباً الغوصة الثانية تكون على عمق اقل

ماراح اكثر حجي و اخليكم مع صور الغوصة الاولى و للاسف ما صورت عدل بالثانيه لان التصوير الليلي يحتاج كاميرا اكثر احترافية و فلاشات بعد

2- تيران

غوصتنا هالسنة بتيران كانت من اجمل الغوصات من ناحية الرؤية و الاحياء البحرية

و كانت غوصاتنا بموقعين الاول جاكسون ريف و الثاني غوردون ريف

jakson reef

نزلنا بجاكسون ريف لغايه 29 متر لمده 47 دقيقه

Gordon Reef

و غوردون ريف 25 متر لمده 49 دقيقة

الصور التالية راح تكون مشتركة للموقعين

One Thought on “الغوص في شرم الشيخ 1

  1. Anonymous on August 4, 2018 at 5:10 PM said:

    السلام عليكم الغوصة اللي بجاكسون ريف و جوردون ريف هل كانت من الشاطى ولا طراد و اذا تعرف مركز غوص يودي رحلات حق هالاماكن و شكرا

Leave a Reply

Your email address will not be published.

Post Navigation